Garrow Mandai Maia Iara?
Garrow Mandai ian damsa multi vendor e-commerce website ong·a. Iano (man·a dipet) A·chikrangni bostu, tarigipa, bikotgipa ba A·chik mandeni ong·katatgipa bosturangko palna tarigimin anti ba bajar ba platform ong·a.
Gipin platformrang jedake Amazon, Flipkartrang gitan iano bosturangko brena man·gen, palna man·gen.
Ia website-niko breahaon nang·ni do·gacholonan bosturang sokanggen.
Da·ona dipet Garrow Mandaini bosturangko Williamnagar, Tikrikilla, Nengkong/Mandang, Rongjeng, Shillong aro Jorhatona palataha.
Garrow Mandai Platformo Maikai Palgen?
A·chikrangni gisepo bikotgipa website-rangni gisepo Garrow Mandai platformni dingtangteania ian an·tangni bosturangko palna ine miksonge bikotgipa ong·ja; indiba jedakode A·chik badinggiparang online gita palna platform ba biap aro cholko man·gen ine miksongesa iako bikotaha. Ian A·chik mandeni A·chikskana miksonge kuligipa website/App ong·a. Jeba ia platformo biming segate (register ka·e) ia platformo palna man·gen. Garrow Mandaio badingna/palna Start Selling (computero kuliode) aro Register Now iano sikdepe uano nangarangko gapate palna/badingna a·bachengna man·gen.
Namgnia Mai?
Nang·ni bosturangko palbadingna biap ba dokan dongjaoba jajrengani dongjaha. Aro dokan donggipamangba iano biming segate apalbate palna man·gen. Na·a apsan bostukon online aro offline damgni dake palna man·gen. Aro uaba Indiani ki·tikbriona palatna man·gen.
Sawarang Iano Palna Man·gen?
An·ching A·chikrang jakni kamrango jakma minbea. Dakmanda doka, ki·tap sea, wa·aoniko aro reoniko wata chenga, sikna kona changa, noksa salna changa, kongna kitna changa. Aro uarangko gimikan cholnikatang gita palenga. Beben uan nama. Indiba na·a nang·ni pala-sim·aniko apalbate palna sikode re·babo – An·ching apsan melie Indiani a·kitikona palatna hai.
Bostuko Maidake Watatgen?
Online bosutrangko sualenggipa jedake Delhivery, Post India aro gipin courierrangko Garrow Mandai jakkalenga. Bostuko katipna (packing), shipping (watpripraatna), Cash on Delivery (COD) gimik cholkon iano man·gen.
Americaonaba palatna Man·aigenma?
Man·kujawa 😊 Garrow Mandai website gital ong·engani gimin da·ona dipet Indiaosan palkuenga. Indiba mikkangchi a·gilsak gimikona palna aro watatna daksamsoenga.
Sawa ia Website-ko Chalaienga?
Website-ni nokgipa aro banoni chalaienga Garrow Mandai website-on sekama donga. About Us, Contact Us, Contact Info (Menu aro Footer-o) iako sikdepe niaibo. Jajrengna nangjawa😊😊
App dongama?
Dongkuja. Mikkangchi Garrow Mandai Appko tarina/ong·katatna miksongenga.
Maidake nangarangko sing·atgen?
Sing·atna nangode website-on About Us, Contact Us, Contact Info (Menu aro Footer-o) on·manaha. Ba ia mesokatenggipa e-mail aro Whatsapp nangarangko sing·atna man·aigen:
E-mail: garrowmandai@gmail.com Whatsapp: +91 93622 83913
Chu·sokna ka·dongama?
He he 😊 Manderangni bakrimao pangchakgen aro an·tangtangni rake kam ka·ao ka·dongna nanggen. Somai nanggen indiba chu·sokna re·mikkangenga.
I appreciate the initiative taken up by the Garrowmandai group. I hope that it will help the local produce to be bought and supplied online, besides helping the local artisans, farmers, sculptors, writers, etc to not only sell their products online but it will encourage to take indigenous enterpreneurs to the next higher level in future. Kudos to the group who created the commercial flatform online.
Thank you sincerely for your thoughtful and encouraging words.
Garrow Mandai was created with a simple but powerful vision — to bring our local artisans, farmers, sculptors, writers, and indigenous entrepreneurs into the digital marketplace with dignity and opportunity. Your appreciation strengthens our commitment to this mission.
We truly believe that empowering local producers through online access can elevate indigenous entrepreneurship to the next level, and messages like yours assure us that we are moving in the right direction.
Grateful for your support and encouragement. 🙏
Together, we grow stronger.
— Team Garrow Mandai