Shano Chelsy M. Sangma saksa chadambe, nama tiktak changroa, nitoa, aro be·en bimang bilak mangrakgipa ong·a. Be·en ranta ka·ramosan ong·aigija uni biming chel·aonan jangangenga. Uan Burny Hills, Tura (West Garo Hills)-oni ong·a aro chasongtangni chadamberangna nama dakbewalko, changa sapaniko aro gisikni cha·suaniko dakmesokenga.
Bimang silana ba uni ka·donganina manderang Shanoko namnikaia ine ong·ja. Uko niksenganide uni an·tangni rake kam ka·anichisa ong·baaha—salanti trin trin jotton ka·esa jinmani mikkango mittel mitchuako man·aha aro medalrangko cheaha. An·sil mesoksusao uni cheani ja·pangde pringni chakate ranta ka·anichi, simsake cha·anichi, rakbee be·enko ranta ka·anichi, aro re·sotgipa ramako re·jana kang·kare kaanichisa ong·baaha.
Kim·kimanichi Chegipa Ong·ani
Shillong songjinmao ong·atgipa Chang 49-gipa Annual Meghalaya Bodybuilding Championship 2025, Shano changsatai changa sapatango kim·kime dakjringanichi “Women’s Best Physique” ia gadangni Skanggipa Boksisko (Sonani) cheaha. Chubatgipa gadango cheani ian uni skanggipa chang ong·ja—iana skangba ua September 21, 2024 tariko ia apsan gadangni susaanio sonani medalko man·aha. Ianpako uni ia susaanio cheanina changgnina joljol cheani ong·aha.
Meghalaya A·dokni dingtang dingtang districtrangoni saksni susagiparangni gisepo uko niksengbatania uni bilakgipa an·silrang baksana; A·chikrangoni ia susaanio bak ra·gipa uan saksakamkamsanchim. Uan bak ra·ani dingtangtegipa ortoko naataha aro uni ia susaanio cheania gualna ampilgijani ong·skaaha.
Kal·ramna Agreba Uni Bilakani
An·sil mesoksusaani uan Shanoni changa saparangoni mingsa ong·a. Uo dingtang dingtang changa sapanirangba gnang.
Ua bang·a kamon jaksrapa—jedake noksa salani aro uarangko pala-sim·ani. A·chikrangni janggi tangbewal, dakbewal iarango pangchake Shano golpo gnanggipa noksarangko sala. Uni noksarangko ua salmangmange donaigija mandeni gangipa cholarango chapa ka·aha.
Uni cholarangni gimin indake agana man·gen: uarangko ganengon na·a jatni dakbewal rikbewalrangko gankapenga gita chanchigen.
Uni bosturangko ua Wangala aro ugita dakgipa dal·gipa tom·anio mesoke palronga aro manderang uni bosturangko seksekpile bretokenga. Kamtango gisik on·e, bosturangko jaktangchi tarie, re·sotgipa ramako re·gele ua chu·sokroroenga.
A·chik Me·chik Ong·e Uni Dakmesokani
Shano Chelsyni A·chik me·chik ong·e dakmesokgipa kamranga:
- Uni an·sil mesoksusaanio cheanian, me·chikni ka·rongbewal kamna bate dakbadena man·a ine de·e mesoka
- Noksa salengon ua jatni dakbewalko ripinga aro una katchaako mesoka
- Badinggipa ong·ania gipinni chol on·ao ka·dongaigija an·tango ka·donganiko mesoka
Ua changatangko ku·rangchi parakja indiba uni kamrangan mesoka.
Da·alni chadamberang mongsongbate me·chik bi·sarangni Shanoni janggi tangaoniko skie ra·gniranga: Na·a rama cholsakosan baseainabe. Na·a bilakgipa aro changatangko dake nigipa ong·na man·gen. Kamtangko watgalja aro changatango paraka. Kamtango ga·chata aro miksonganiko watgalja.
Uni Janggi Tangani Golpoko Gankapbo
Indake changgipa sapgipa mandeni jakmako na·a cholatango gankapna sikjawama?
Shanoni tarigimin chola aro dingtang dingtang ganirangko ru·utgijan Garrow Mandai uamangni palramo palnasienga. Na·a uni tarigimin ganirangko ganasan ong·aijawa indiba bilakani golpo dongchapgipa, jatni dalbewalko ripinggipa aro A·chik A·songna dakmesokgipa ganirangko ganenga gita daknikgen.
Tarisobo. Tangka chimongsobo.🌿💪🎨
