Ka·san’ bimik nachengo kusi ong·an chotchangja
Aiao! gisik ka·sroka tujrippile golpoa;
Rinok chi·a kattanan ka·tong muni nangpila
Kusin’ katta golpoe somoirangkon nikrikja.
Ka·san’ sona biginchi walna teng·surikbone
Tusioba jumangchi angna mikkang pa·bone;
Nang·ni ka·san’ ka·bako angko gipakpabone
Agre waltingdamoba pringo mikgil sikgenne.
Indakesa turonga mikgil sikroroanga
Jachipchangni jagringko nie mikgil nom·anga.
Ka·san’ sona biginchi salna ching·a ripamchi
Janggin’ ripok do·katchi ching·gen kakket ka·sa’chi.
Gisik apsan dondime ka·san’ ja·dil su·gimin
A·sak jeko inoba nang·kon basemangimin;
Miksanggie a·sako jorana nang·kon seokaha
Ka·sapana gisiko toksan ong·e nang·nan chanchiaha.
Man·jawaha ekgrikna ka·sako ia a·gilsako
Gisik an·jrim ka·pakaigen ka·saani ka·tongo;
Kakketgipa ka·tongsa ma·sia kakket ong·aniko
Ka·san’ chimik tipahaode joktaigen basako?
Rikwarengoniko aro riksrioniko tarigipa Rikgitokko ganna sikode...
