MAINA CHAWARI?

A·jong rori kaji am·e
Sing·rikkia chonnike,
‘Me·chik jatchi chawari napgipa 
Bi·sakoba na·an ba·ama?’

Thik hai mere dost
Abhi mauka hai
Tereko jawaab deneka.
Chinga A·chik jatde
Beben re·a chawari
Jikgipani nokchi.

Anga bipa inesa
Jik ra·a anga me·asa.
Gamna mikboke napja chawari
Jikna ka·sasmakesa
Watanga ma·pako mikchiari.

Jiktangko alduna
Nangja angna dahej.
Bi·satangko alduna
Kenmangja anga rektek.

Nono au au grape
Re·angon bohari
Bika chakna amjae
Unasa re·a chawari.

Ku·mitchit ka·dinga
Angni nio mani,
Ettalchengo chawarina pa·e
Het! Namde namjare!

Angni atte kal·ana
Angni wa·a doktakana,
Nie kusi ong·a
Angni o·bite.

Bari nageng noksiko
Angni o·rokengo,
Knasoa jikni ku·rangko,
‘Nang’ gumena chi ra·angbo.’

‘Ha gume chi ringatbo,’ inako
Nachil knaatode,
Salgian a·gilsako 
Chawari napgitalnade!

Basakoba iakoba sesrangna golpo
Da·alnade ianon donainaha mo?